網紅的藏寶箱國安處處長蔡展鵬因光顧無牌「骨場」，遇上同袍查牌揭發事件，被勒令休假調查。事隔兩個月，香港人接受嶄新的保安邏輯洗禮，回想起來，真的要為蔡處平反囉。
新任保安局鄧局的邏輯，三名食鮑魚嘅關長處長，「作為官員，每日辛勞工作之後，都希望可以花啲時間陪下屋企人。但點解我哋都係要犧牲一啲陪屋企人嘅時間，繼續進行呢啲聚會呢？因為呢個確實係我哋工作好重要嘅一部分。」
按同一邏輯，其實骨場本身也是警務處的監管範圍，蔡展鵬身為國安處處長不能「離地」，要定期去無牌骨場視察，「接觸社會各界」，「知悉社會發生咩事」，呢啲都係高層「工作的重要部分」。
顧客去按摩場，點知入面有其他特別服務先？唔通一見有「鮑魚」，就即席離開骨場咩？人性嘛！
仲有，人哋都被公眾輿論寫咗咁多日，一係話佢係雞蟲，一係話佢係蔡雞蟲，蔡蔡應該都會好大壓力㗎喇喂呵。
Search